ವಿಜಯ ದರ್ಪಣ ನ್ಯೂಸ್….
ಎಚ್ಜಿಎಚ್ ಇಂಡಿಯಾದ 16ನೇ ಎಡಿಶನ್ನಲ್ಲಿ ದಕ್ಷಿಣ ಭಾರತದ ವೈಭವ..
ಬೆಂಗಳೂರು ಇಂಟರ್ನ್ಯಾಷನಲ್ ಎಕ್ಸಿಬಿಷನ್ ಸೆಂಟರ್ನಲ್ಲಿ 2024 ಡಿಸೆಂಬರ್ 3 ರಿಂದ 6 ರ ವರೆಗೆ ಈ ಶೋ ನಡೆಯಲಿದೆ.
ಬೆಂಗಳೂರು, ನವೆಂಬರ್ 26, 2024: ದ್ವೈವಾರ್ಷಿಕ ಟ್ರೇಡ್ ಶೋ ಆಗಿರುವ ಎಚ್ಜಿಎಚ್ ಇಂಡಿಯಾ, ಬೆಂಗಳೂರಿನಲ್ಲಿ ನಡೆಯಲಿರುವ ತನ್ನ 16ನೇ ಆವೃತ್ತಿಯಲ್ಲಿ ಮೊದಲ ಬಾರಿಗೆ ದಕ್ಷಿಣ ಭಾರತದ ವೈಭವವನ್ನು ಪ್ರತಿಬಿಂಬಿಸಲಿದೆ. ಇದರಲ್ಲಿ ಗೃಹ ಸಂಬಂಧಿ ಬಟ್ಟೆಗಳು, ಮನೆ ಅಲಂಕಾರ, ಮನೆ ಪೀಠೋಪಕರಣ, ಹೌಸ್ವೇರ್ ಮತ್ತು ಉಡುಗೊರೆಗಳು ಒಳಗೊಂಡಿರುತ್ತವೆ. ಬೆಂಗಳೂರು ಇಂಟರ್ನ್ಯಾಷನಲ್ ಎಕ್ಸಿಬಿಷನ್ ಸೆಂಟರ್ನಲ್ಲಿ 2024 ಡಿಸೆಂಬರ್ 3 ರಿಂದ 6 ರ ವರೆಗೆ ಈ ಶೋ ನಡೆಯಲಿದೆ.
ಎಚ್ಜಿಎಚ್ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕ ಅರುಣ್ ರೂಂಗ್ಟಾ ಮಾತನಾಡಿ “ಈ ವರ್ಷ 16 ನೇ ಆವೃತ್ತಿಯನ್ನು ಬೆಂಗಳೂರಿನಲ್ಲಿ ಆಯೋಜಿಸುವುದು ಒಂದು ಪ್ರಜ್ಞಾಪೂರ್ವಕ ನಿರ್ಧಾರವಾಗಿದೆ. ದೇಶದ ಜನಸಂಖ್ಯೆಯ 20% ಮತ್ತು GDP ಗೆ 35% ಕೊಡುಗೆ ಹೊಂದಿರುವ ದಕ್ಷಿಣ ಭಾರತವು, ಐಟಿ ಹಾಗೂ ಉತ್ಪಾದನಾ ಕ್ಷೇತ್ರಗಳಲ್ಲಿ ಪ್ರಮುಖ ಕೇಂದ್ರವಾಗಿ ಹೊರಹೊಮ್ಮುತ್ತಿದೆ. ಇಲ್ಲಿನ ತಲಾ ಆದಾಯವು ಉತ್ತರ ಭಾರತದ ಐದು ರಾಜ್ಯಗಳಿಗಿಂತ ಸುಮಾರು 50% ಹೆಚ್ಚಾಗಿದ್ದು, ಇದು ಹೆಚ್ಚಿನ ಖರೀದಿ ಶಕ್ತಿಯನ್ನು ನೀಡುತ್ತದೆ. ಇದರಿಂದ ದಕ್ಷಿಣ ಭಾರತವು ಗೃಹ ಉತ್ಪನ್ನಗಳಿಗೆ ಅತ್ಯಂತ ಭರವಸೆಯ ಮತ್ತು ನವೀನ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ಈ ರಾಜ್ಯಗಳಲ್ಲಿ ಹೋಮ್ ಟೆಕ್ಸ್ಟೈಲ್ಸ್, ಹೋಮ್ ಡೆಕೋರ್, ಹೋಮ್ ಫರ್ನಿಚರ್, ಹೌಸ್ವೇರ್ ಮತ್ತು ಉಡುಗೊರೆಗಳ ಬೇಡಿಕೆ ಭಾರತದ ಇತರ ಭಾಗಗಳಿಗಿಂತ ವೇಗವಾಗಿ ಬೆಳೆಯುತ್ತಿದೆ” ಎಂದರು.
ನಗರೀಕರಣ, ಬೆಳೆಯುತ್ತಿರುವ ಮಧ್ಯಮ ವರ್ಗ ಮತ್ತು ವಾಸಸ್ಥಳದ ಬಗ್ಗೆ ಸೌಂದರ್ಯ ಪ್ರಜ್ಞೆ ಹೆಚ್ಚುತ್ತಿರುವುದರಿಂದ ಈ ಪ್ರದೇಶದ ಮಾರುಕಟ್ಟೆಯು ಬಲಗೊಳ್ಳುತ್ತಿದೆ. ಬೆಂಗಳೂರು, ಚೆನ್ನೈ, ಹೈದರಾಬಾದ್, ಕೊಚ್ಚಿನ್ ಮತ್ತು ವಿಜಯವಾಡದಂತಹ ಪ್ರಮುಖ ಪ್ರದೇಶಗಳು ಹೆಚ್ಚಿನ ಆರ್ಥಿಕ ಚಟುವಟಿಕೆ ಮತ್ತು ಸಮಕಾಲೀನ ಗೃಹ ಉತ್ಪನ್ನಗಳಿಗೆ ಬಲವಾದ ಬೇಡಿಕೆಯನ್ನು ಹೊಂದಿವೆ. ದಕ್ಷಿಣ ಭಾರತವು ಪ್ರಮುಖ ಪೀಠೋಪಕರಣ ಬ್ರ್ಯಾಂಡ್ಗಳು ಮತ್ತು ಚಿಲ್ಲರೆ ವ್ಯಾಪಾರಿಗಳ ಪ್ರಬಲ ಉಪಸ್ಥಿತಿಯನ್ನು ಹೊಂದಿದೆ. ಪೀಠೋಪಕರಣಗಳು, ರಗ್ಗುಗಳು, ಅಲಂಕಾರಿಕ ಪರಿಕರಗಳು, ಕುಕ್ವೇರ್, ಟೇಬಲ್ವೇರ್ ಮತ್ತು ಅಡಿಗೆ ಉಪಕರಣಗಳು ಸೇರಿದಂತೆ ವಿವಿಧ ಗೃಹ ಅಲಂಕಾರ ಮತ್ತು ಗೃಹೋಪಯೋಗಿ ಉತ್ಪನ್ನಗಳಿಗೆ ಬೇಡಿಕೆಯು ಸಾಂಪ್ರದಾಯಿಕ ಮತ್ತು ಆಧುನಿಕ ವಿನ್ಯಾಸವನ್ನು ಆಧರಿಸಿದ ಗ್ರಾಹಕರ ಆದ್ಯತೆಗಳಿಂದ ಪ್ರಚೋದಿತವಾಗಿವೆ.
