ತೊಟ್ಟು ಕಳಚಿದ ಹೂವಿನ ಮಾತು

ವಿಜಯ ದರ್ಪಣ ನ್ಯೂಸ್….

ತೊಟ್ಟು ಕಳಚಿದ ಹೂವಿನ ಮಾತು

*ತೊಟ್ಟು ಕಳಚಿ ಬಿದ್ದೆನೆಂದು
*ಹೂವು ಎಂದೂ ದುಃಖಿಸದು
*ತನ್ನ ಪರಿಮಳದ ಪಯಣವನ್ನು
*ಗಾಳಿಯೊಡನೆ ಕಳುಹಿಸಿ ನಗುತ್ತದೆ

*ಕೊಂಬೆಯ ಮೇಲೇ ನಿಂತಿದ್ದಾಗ
*ಕಣ್ಣಿಗೆ ಹಬ್ಬವಾಗಿದ್ದೆ
*ಮಣ್ಣಿನ ಮಡಿಲಿಗೆ ಸೇರಿದಾಗ
*ಜೀವನದ ಅರ್ಥವಾಗಿದ್ದೆ

*ಬಾಳು ಎಂದರೆ ಎತ್ತರದಲ್ಲಿರುವುದಲ್ಲ
*ಇತರರ ಹೃದಯದಲ್ಲಿ ಉಳಿಯುವುದು
*ಹೂವು ಎಂದರೆ ಬಣ್ಣದಲ್ಲಿರುವುದಲ್ಲ
*ಸುಗಂಧವಾಗಿ ಹರಡುವುದು

*ಕ್ಷಣಕಾಲದ ಸೌಂದರ್ಯವೇ ಸರಿ
*ಆದರೂ ಅದರ ನೆನಪು ಶಾಶ್ವತ
*ಒಳ್ಳೆಯ ಮನಸ್ಸಿನ ಮನುಷ್ಯನೂ ಹಾಗೆಯೇ
*ಅವನ ಹೆಜ್ಜೆ ಗುರುತು ಅಮರ

*ಬೀಳುವ ಪ್ರತಿಯೊಂದು ಹೂವಿನೊಳಗೂ
*ಒಂದು ಮೌನ ಸಂದೇಶವಿದೆ
*ಅಹಂಕಾರವು ಕೊಂಬೆಯವರೆಗೆ ಮಾತ್ರ
*ವಿನಯವು ಮಣ್ಣಿನವರೆಗೂ ಸಾಗುತ್ತದೆ ಎಂಬುದು

*ಜೀವನದ ಸಾರ್ಥಕತೆ ಎಂದರೆ
*ಎಷ್ಟು ದಿನ ಬದುಕಿದೆವು ಎನ್ನುವುದಲ್ಲ
*ಎಷ್ಟು ಹೃದಯಗಳಲ್ಲಿ ಪರಿಮಳವಾಗಿ ಉಳಿದೆವು
*ಎನ್ನುವುದೇ ನಿಜವಾದ ಅಳತೆ

*ಹೀಗಾಗಿ ಸಖಾ
*ತೊಟ್ಟು ಕಳಚಿದ ಹೂವನು ನೋಡಿ
*ಕರುಣೆ ತೋರಬೇಡ
*ಅದು ಸೋಲಿನ ಸಂಕೇತವಲ್ಲ
*ತನ್ನ ಬದುಕನ್ನು ಸಂಪೂರ್ಣವಾಗಿ ಅರ್ಪಿಸಿದ
*ಸೌಂದರ್ಯದ ಕೊನೆಯ ನಗು

✍️ ಎಂಎಂ ದಾವೂದ್