ಕೇಂದ್ರ ರೇಷ್ಮೆ ಮಂಡಳಿ ಸಭೆಯಲ್ಲಿ ರೇಷ್ಮೆ ತಯಾರಿಕೆ ವೆಚ್ಚ ಮತ್ತು ಮಾರುಕಟ್ಟೆ ಬೆಲೆಯ ಅಂತರ ಬಗ್ಗೆ ಶಿಡ್ಲಘಟ್ಟದ ಉದ್ಯಮಿಗಳಿಂದ ಹಲವಾರು ಸಲಹೆ

ವಿಜಯ ದರ್ಪಣ ನ್ಯೂಸ್…….

ಕೇಂದ್ರ ರೇಷ್ಮೆ ಮಂಡಳಿ ಸಭೆಯಲ್ಲಿ ರೇಷ್ಮೆ ತಯಾರಿಕೆ ವೆಚ್ಚ ಮತ್ತು ಮಾರುಕಟ್ಟೆ ಬೆಲೆಯ ಅಂತರ ಬಗ್ಗೆ ಶಿಡ್ಲಘಟ್ಟದ ಉದ್ಯಮಿಗಳಿಂದ ಹಲವಾರು ಸಲಹೆ

ಶಿಡ್ಲಘಟ್ಟ : ಚೀನಾದ ರೇಷ್ಮೆ ವಿಯೆಟ್ನಾಂ ಮೂಲಕ ಭಾರತಕ್ಕೆ ಬರುತ್ತಿರುವುದರಿಂದ ದೇಶಿ ರೇಷ್ಮೆಗೆ ಬೆಲೆ ಪೈಪೋಟಿ ಎದುರಾಗಿದ ವಿದೇಶಿ ರೇಷ್ಮೆಯ ಬದಲು ಭಾರತೀಯ ರೇಷ್ಮೆ ಬಳಸುವಂತೆ ರಫ್ತುದಾರರಿಗೆ ಮನವರಿಕೆ ಮಾಡಿದರು.

ನವೆಂಬರ್ 11ರಂದು ಬೆಂಗಳೂರಿನ ಲಾ ಮಾರ್ವೆಲ್ಲಾ ಹೋಟೆಲ್‌ನಲ್ಲಿ ಕೇಂದ್ರ ರೇಷ್ಮೆ ಮಂಡಳಿ ಮತ್ತು ಕೇಂದ್ರ ಜವಳಿ ಸಚಿವಾಲಯ ರೇಷ್ಮೆ ಆಮದುದಾರರು, ರಫ್ತುದಾರರು ಮತ್ತು ಉದ್ಯಮಿಗಳ ಸಭೆ ಆಯೋಜಿಸಿದ್ದವು ಆ ಸಭೆಯಲ್ಲಿ ವಿವರಿಸಿದರು.

ಶಿಡ್ಲಘಟ್ಟದ ಉದ್ಯಮಿಗಳಾದ ಎಲ್.ಅನಿಲ್ ಕುಮಾರ್ ಮತ್ತು ಮಜರ್ ಅವರು ಸಭೆಯಲ್ಲಿ ಭಾಗವಹಿಸಿ, ದೇಶೀಯ ರೇಷ್ಮೆ ಉತ್ಪಾದನೆಗೆ ಉತ್ತೇಜನ, ವಿದೇಶಿ ರೇಷ್ಮೆ ಆಮದು ಅವಲಂಬನೆ ಕಡಿತ ಮತ್ತು ರಫ್ತು ವಿಸ್ತರಣೆಯ ಬಗ್ಗೆ ಚರ್ಚಿಸಿದರು.

ಕೇಂದ್ರ ರೇಷ್ಮೆ ಮಂಡಳಿ ಸಭೆಯಲ್ಲಿ ಶಿಡ್ಲಘಟ್ಟದ ಉದ್ಯಮಿಗಳು ರೇಷ್ಮೆ ತಯಾರಿಕೆ ವೆಚ್ಚ ಮತ್ತು ಮಾರುಕಟ್ಟೆ ಬೆಲೆಯ ನಡುವಿನ ಅಂತರ, ವಿದೇಶಿ ರೇಷ್ಮೆಯ ಪೈಪೋಟಿ ಹಾಗೂ ಕಚ್ಚಾ ವಸ್ತು ಕೊರತೆಯನ್ನು ಮುಂದಿಟ್ಟು ಹಲವು ಸಲಹೆಗಳನ್ನು ನೀಡಿದ್ದಾರೆ.

ಉತ್ತಮ ಗುಣಮಟ್ಟದ ಗೂಡು ಮತ್ತು ರೇಷ್ಮೆ ತ್ಯಾಜ್ಯ ವಿದೇಶಗಳಿಗೆ ಹೋಗುತ್ತಿರುವುದರಿಂದ ಸ್ಥಳೀಯ ಘಟಕಗಳಿಗೆ ಕಚ್ಚಾ ವಸ್ತು ಕೊರತೆಯಾಗಿದೆ ಇದನ್ನು ನಿಯಂತ್ರಿಸುವಂತೆ ಮಂಡಳಿಯ ಅಧಿಕಾರಿಗಳಿಗೆ ಮನವಿ ಮಾಡಿದ್ದು, ಪರಿಶೀಲಿಸುವ ಭರವಸೆ ದೊರೆತಿದೆ ಎಂದು ಅವರು ಹೇಳಿದರು.

ತಾಲ್ಲೂಕಿನ ಬಹುತೇಕ ಹಳ್ಳಿಗಳ ಆರ್ಥಿಕ ಬದುಕು ರೇಷ್ಮೆ ಕೃಷಿ ಮತ್ತು ರೇಷ್ಮೆ ಉದ್ಯಮದೊಂದಿಗೆ ಬೆಸೆದುಕೊಂಡಿದೆ ರೈತರು, ಗೂಡು ಬೆಳೆಗಾರರು, ರೀಲಿಂಗ್ ಘಟಕಗಳ ಕಾರ್ಮಿಕರು, ನೂಲು ವ್ಯಾಪಾರಿಗಳು ಮತ್ತು ನೇಕಾರರು ಇದನ್ನು ಅವಲಂಬಿಸಿದ್ದಾರೆ ಭಾರತೀಯ ರೇಷ್ಮೆ ಗುಣಮಟ್ಟದಲ್ಲಿ ಉತ್ತಮವಾಗಿದ್ದರೂ ಚೀನಾ ಮತ್ತು ವಿಯೆಟ್ನಾಂ ರೇಷ್ಮೆಯಂತೆ ಏಕರೂಪತೆ ಇಲ್ಲ ಎಂದು ತಿಳಿಸಿದರು.

ಬೇರೆ ಬೇರೆ ಪ್ರದೇಶಗಳಿಂದ ಕಡಿಮೆ ಪ್ರಮಾಣದಲ್ಲಿ ಗೂಡು ಬರುವುದರಿಂದ ಸ್ವಯಂಚಾಲಿತ ರೀಲಿಂಗ್ ಘಟಕಗಳಲ್ಲಿ ಒಂದೇ ಗುಣಮಟ್ಟದ ನೂಲು ತಯಾರಿಸುವುದು ಕಷ್ಟವಾಗಿದೆ ,ರೈತರಿಗೆ ವೈಜ್ಞಾನಿಕ ಮಾರ್ಗದರ್ಶನ ನೀಡಿ, ಉತ್ತಮ ಗೂಡನ್ನು ಹೆಚ್ಚು ಪ್ರಮಾಣದಲ್ಲಿ ಉತ್ಪಾದಿಸುವ ವ್ಯವಸ್ಥೆ ರೂಪಿಸಬೇಕು ಎಂದು ಅವರು ಸಲಹೆ ನೀಡಿದರು.

ಗೂಡು ಯಾವ ರೈತರಿಂದ, ಯಾವ ಪ್ರದೇಶದಿಂದ ಬಂದಿದೆ ಎಂಬುದರಿಂದ ಹಿಡಿದು ನೂಲು ತಯಾರಿ, ಬಣ್ಣ ಹಾಕುವುದು ಮತ್ತು ನೇಯ್ಗೆಯವರೆಗಿನ ಮಾಹಿತಿ ದಾಖಲಿಸುವ ಮೂಲ ಪತ್ತೆಹಚ್ಚುವಿಕೆ (ಟ್ರೇಸಬಿಲಿಟಿ) ವ್ಯವಸ್ಥೆ ಬೇಕು ಜತೆಗೆ ಗುಣಮಟ್ಟ ಪರೀಕ್ಷೆ, ಪ್ರಮಾಣೀಕರಣ ಮತ್ತು ರೇಷ್ಮೆಯ ಡೀನಿಯರ್ (ನೂಲಿನ ಸೂಕ್ಷ್ಮತೆ) ಸೇರಿದಂತೆ ಸಮಗ್ರ ಪರೀಕ್ಷಾ ವ್ಯವಸ್ಥೆ ಬಲಪಡಿಸಬೇಕು ಎಂಬ ಸಲಹೆ ನೀಡಲಾಯಿತು.

ಸದ್ಯ ಒಂದು ಕೆ.ಜಿ. ಗೂಡಿಗೆ ಸುಮಾರು 875 ರೂ.ಗಳ ಬೆಲೆ ಇದೆ ಅದರಿಂದ ಒಂದು ಕೆ.ಜಿ. ರೇಷ್ಮೆ ತಯಾರಿಸಲು ಸುಮಾರು 6,500 ರೂ.ಗಳು ವೆಚ್ಚವಾಗುತ್ತದೆ, ಆದರೆ ಮಾರುಕಟ್ಟೆಯಲ್ಲಿ 6,050 ರೂ.ಗಳಿಂದ , 6,100 ರೂ.ಗಳಿಗೆ ಮಾತ್ರ ಮಾರಾಟ ಸಾಧ್ಯವಾಗುತ್ತಿದ್ದು, ರೀಲಿಂಗ್ ಘಟಕಗಳಿಗೆ ನಷ್ಟವಾಗುತ್ತಿದೆ ರೈತರಿಗೆ ಉತ್ತಮ ಬೆಲೆ ಸಿಗಬೇಕು, ಉದ್ಯಮವೂ ನಷ್ಟವಿಲ್ಲದೆ ನಡೆಯಬೇಕು ಎರಡೂ ವಲಯಗಳ ಹಿತ ಕಾಯುವ ಬೆಲೆ ನೀತಿ ಬೇಕು ಎಂದು ಅವರು ಒತ್ತಾಯಿಸಿದರು.

ಕಚ್ಚಾ ರೇಷ್ಮೆಯ ಗುಣಮಟ್ಟ ಮತ್ತು ಪ್ರಮಾಣ ಹೆಚ್ಚಳ, ಉತ್ಪನ್ನ ವಿನ್ಯಾಸದ ವೈವಿಧ್ಯ, ಗುಣಮಟ್ಟ ಪರೀಕ್ಷೆ, ಮೂಲ ಪತ್ತೆಹಚ್ಚುವಿಕೆ ಹಾಗೂ ರಫ್ತು ಉತ್ತೇಜನ ಈ ಐದು ವಿಚಾರಗಳ ಬಗ್ಗೆ ಸಭೆಯಲ್ಲಿ ಚರ್ಚೆ ನಡೆಯಿತು. ಭಾರತದ ರೇಷ್ಮೆ ರಫ್ತು ವಹಿವಾಟನ್ನು 2030ರ ವೇಳೆಗೆ 100 ಬಿಲಿಯನ್ ಡಾಲರ್‌ಗೆ ಹೆಚ್ಚಿಸುವ ಗುರಿಯೂ ಚರ್ಚೆಯ ಭಾಗವಾಗಿತ್ತು ಎಂದು ಉದ್ಯಮಿಗಳು ತಿಳಿಸಿದ್ದಾರೆ ,

ಈ ಗುರಿ ಸಾಧನೆಯಾದರೆ ಶಿಡ್ಲಘಟ್ಟದ ರೈತರು, ರೀಲಿಂಗ್ ಘಟಕಗಳು, ಕಾರ್ಮಿಕರು ಮತ್ತು ವ್ಯಾಪಾರಿಗಳಿಗೆ ಹೊಸ ಅವಕಾಶ ಸೃಷ್ಟಿಯಾಗುತ್ತದೆ ಎಂಬ ನಿರೀಕ್ಷೆ ಅವರದ್ದು ರೈತರಿಗೆ ನ್ಯಾಯಯುತ ಬೆಲೆ, ಉದ್ಯಮಿಗಳಿಗೆ ಗುಣಮಟ್ಟದ ಕಚ್ಚಾ ವಸ್ತು ಮತ್ತು ದೇಶಿ ರೇಷ್ಮೆಗೆ ಖಚಿತ ಮಾರುಕಟ್ಟೆ ದೊರೆಯುವಂತೆ ಸರ್ಕಾರ ಕ್ರಮ ಕೈಗೊಳ್ಳಬೇಕು ಎಂಬುದು ಅವರ ಒತ್ತಾಯವಾಗಿದೆ.