ವಿಜಯ ದರ್ಪಣ ನ್ಯೂಸ್……..
ನೊಣವಿನಕೆರೆ ಅಜ್ಜಯ್ಯ ಸ್ವಾಮಿಯವರ ಆಶೀರ್ವಾದ ಪಡೆದ ಸಂಸದ ಸುನಿಲ್ ಬೋಸ್

ತಾಂಡವಪುರ ನವೆಂಬರ್ 17 :
ಚಾಮರಾಜನಗರ ಲೋಕಸಭಾ ಕ್ಷೇತ್ರದ ಸಂಸದ ಸುನಿಲ್ ಬೋಸ್ ಅವರು ತುಮಕೂರು ಜಿಲ್ಲೆಯ ತಿಪಟೂರು ತಾಲ್ಲೂಕಿನ ನೊಣವಿನಕೆರೆ ಶ್ರೀ ಕಾಡಸಿದ್ಧೇಶ್ವರ ಮಠದ ಪೀಠಾಧ್ಯಕ್ಷ ಪರಮಪೂಜ್ಯ ಶ್ರೀ ಕರಿವೃಷಭ ದೇಶಿಕೇಂದ್ರ ಶಿವಯೋಗೀಶ್ವರ ಸ್ವಾಮೀಜಿಯವರ (ಅಜ್ಜಯ್ಯನವರ) ಮಠಕ್ಕೆ ಭೇಟಿ ನೀಡಿ ಶ್ರೀಗಳ ಆಶೀರ್ವಾದವನ್ನು ಪಡೆದರು.
ರಾಜ್ಯದಲ್ಲಿ ನೊಣವಿನಕೆರೆ ಅಜ್ಜಯ್ಯನ ಪೀಠ ಅಂದರೆ ಕೂಡಲೇ ನೆನಪಿಗೆ ಬರುವುದು ಮುಖ್ಯಮಂತ್ರಿ, ಡಿಕೆ ಶಿವಕುಮಾರ್, ಅವರಿಗೆ ಆರಾಧ್ಯ ದೈವ, ಅವರು ಹೇಳಿದಂತೆ ನಡೆಯುತ್ತದೆ ಎಂಬ ನಂಬಿಕೆ ಅದೇ ರೀತಿ ಚಾಮರಾಜನಗರ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಪಕ್ಷದ ಸಂಸದ ಸುನಿಲ್ ಬೋಸ್ ಅವರು ಕೂಡ ಮಠಕ್ಕೆ ಭೇಟಿ ನೀಡಿ ನೋಣವಿನ ಕೆರೆಯ ಅಜ್ಜಯ್ಯನ ಆಶೀರ್ವಾದ ಪಡೆದಿರುವುದು ವಿಶೇಷ .
#############################
ಸಾರಥಿ
ಚತುಶ್ರಯ ಭಾಮಿನೀ ಲಯ

ಜಗದ ನೊಗವನು ಹಿಡಿದ ಸಾರಥಿ
ನಮಿಪೆ ಭುವನ ಮನೋಹರ
ಅಮರ ನಾಯಕ ಲೋಕ ರಕ್ಷಕ
ಭಾನು ತೇಜನೆ ಭಾಸ್ಕರ
ಹೇಮ ದೀವಿಗೆ ಹಿಡಿದ ಭೂಪತಿ
ಆದಿ ವಂದಿತ ಶುಭಕರ
ಸೃಜನ ಪಾಲಕ ಧರಣಿಯಧಿಪತಿ
ಸೌರಗಾತ್ರ ಸುಧಾಕರ
ಅರುಣ ಕಿರಣದಿ ಹೊಳೆಯಲವನಿಗೆ
ಮೆರುಗು ತುಂಬುವ ದಿನಕರ
ತಮವ ನೀಗಿಸಿ ಬುವಿಯನುಳಿಸುವ
ಗಗನ ದೀಪ ವಿಭಾಕರ
ಕೋಟಿ ಕರಗಳ ನಮನ ನಿನಗಿದೆ
ಸಕಲ ಭುಜಬಲ ನೇಸರ
ಮುಗಿಲ ಮಾಂತ್ರಿಕ ಧರಣಿಕಾಂತನೆ
ಶರಣು ಇನನೆ ದಿವಾಕರ
ರಾಧಿಕಾ ವಿಶ್ವನಾಥ್, ಮಡಿಕೇರಿ











