ವಿಜಯ ದರ್ಪಣ ನ್ಯೂ ಸ್……..
ಕೆಎಸ್ಪಿಸಿಬಿಗೆ ಮತ್ತೊಮ್ಮೆ ರಾಜಕೀಯ ನೇಮಕಾತಿಯ ಬಗ್ಗೆ ಪರಿಸರ ಹೋರಾಟಗಾರರ ಕಳವಳ….
ಮಳವಳ್ಳಿ ಶಾಸಕ ಪಿ.ಎಂ. ನರೇಂದ್ರಸ್ವಾಮಿ ಇತ್ತೀಚೆಗಷ್ಠೆ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.
ಚಿರಂಜೀವಿ ಕುಲಕರ್ಣಿ ಬೆಂಗಳೂರು, DHNS
ಬೆಂಗಳೂರು ಆಗಸ್ಟ್ 15: ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ (ಕೆಎಸ್ಪಿಸಿಬಿ)ಯಿಂದ ಮಳವಳ್ಳಿ ಶಾಸಕ ಪಿ.ಎಂ. ನರೇಂದ್ರಸ್ವಾಮಿ ನಿರ್ಗಮನದಿಂದ ಉಂಟಾದ ಖಾಲಿ ಹುದ್ದೆಯು, ಶಾಸನಬದ್ಧ ಹುದ್ದೆಗಳಿಗೆ ಮಾಡಿದ ರಾಜಕೀಯ ಪ್ರಭಾವದ ನೇಮಕಾತಿಗಳ ಸುತ್ತಲಿನ ಸಮಸ್ಯೆಗಳನ್ನು ಮತ್ತೊಮ್ಮೆ ಮುನ್ನೆಲೆಗೆ ತಂದಿದೆ.
ರಾಜ್ಯ ಸರ್ಕಾರವು ಕೆಲವು ಪರಿಸರಾತ್ಮಕ ನಿಯಮಗಳನ್ನು ಸಡಿಲಿಸಿದ ನಂತರ, ಫೆಬ್ರವರಿ 2025 ರಲ್ಲಿ ನರೇಂದ್ರಸ್ವಾಮಿ ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ (ಕೆಎಸ್ಪಿಸಿಬಿ)ಯ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡರು. ಸರ್ಕಾರವು ಪರಿಸರ ವಿಜ್ಞಾನ / ಪರಿಸರ ಎಂಜಿನಿಯರಿಂಗ್ ಅಥವಾ ಪರಿಸರ ಸಂಬಂಧಿತ ವಿಜ್ಞಾನಗಳಲ್ಲಿ ಸ್ನಾತಕೋತ್ತರ ಪದವಿಯನ್ನು ಕಡ್ಡಾಯಗೊಳಿಸುವ ಷರತ್ತನ್ನು ಸಡಿಲಗೊಳಿಸಿರುವುದು ರಾಜಕೀಯ ಪ್ರಭಾವದ ನೇಮಕಾತಿಗೆ ದಾರಿ ಮಾಡಿಕೊಟ್ಟಿತು.
ಕರ್ನಾಟಕ ಹೈಕೋರ್ಟ್ ಅಕ್ಟೋಬರ್ 2020 ರಲ್ಲಿ ಒಂದು ಆದೇಶ ಹೊರಡಿಸಿತು.
ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ (ಕೆಎಸ್ಪಿಸಿಬಿ)ಯ ಅಧ್ಯಕ್ಷರಾಗಲು “ವಿಶೇಷವಾದ ಪರಿಸರ ಜ್ಞಾನ ಅಥವಾ ಅದರಲ್ಲಿ ಪ್ರಾಯೋಗಿಕ ಅನುಭವ ಹೊಂದಿರುವ ವ್ಯಕ್ತಿಗಳು ತಮ್ಮ ಅನುಭವವನ್ನು ವಾಯು ಮತ್ತು ನೀರು ಸೇರಿದಂತೆ ಪರಿಸರವನ್ನು ರಕ್ಷಿಸಲು ಬಳಸಿಕೊಳ್ಳಬಹುದು” ಕರ್ನಾಟಕ ಹೈಕೋರ್ಟ್ ಅಕ್ಟೋಬರ್ 2020 ರಲ್ಲಿ ಎಂದು ತನ್ನ ಮಧ್ಯಂತರ ಆದೇಶದಲ್ಲಿ ತಿಳಿಸಲಾಗಿದೆ. ತನ್ನ ಅಂತಿಮ ಆದೇಶದಲ್ಲಿ, ನ್ಯಾಯಾಲಯವು ಮಧ್ಯಂತರ ಆದೇಶವನ್ನು ಪುನರುಚ್ಚರಿಸಿ ನಿಯಮಗಳನ್ನು ದುರ್ಬಲಗೊಳಿಸುವ ಮೂರು ಷರತ್ತುಗಳನ್ನು ರದ್ದುಗೊಳಿಸಿತು.
ಹೆಚ್ಚುತ್ತಿರುವ ನಗರೀಕರಣ ಮತ್ತು ಕುಗ್ಗುತ್ತಿರುವ ಹಸಿರು ವಲಯಗಳ ಪರಿಣಾಮ ಕರ್ನಾಟಕದಲ್ಲಿ ಪರಿಸರ ಮಾಲಿನ್ಯ ಹೆಚ್ಚಾಗಿದೆ. ರಾಷ್ಠ್ರೀಯ ಹಸಿರು ಪೀಠವು ಬೆಳ್ಳಂದೂರು ಮತ್ತು ವರ್ತೂರು ಕೆರೆಗಳ ಪುನರುಜ್ಜೀವನಗೊಳಿಸಲು ಪರಿಹಾರವಾಗಿ 500 ಕೋಟಿ ರೂ.ಗಳನ್ನು ಠೇವಣಿ ಇಡುವಂತೆ ಸರ್ಕಾರಕ್ಕೆ ಸೂಚಿಸಲಾಯಿತು ಮತ್ತು ಕೈಗಾರಿಕೆಗಳಿಂದ ಕಲುಷಿತಗೊಂಡ ಚಂದಾಪುರ ಕೆರೆಯ ಪ್ರಕರಣದಲ್ಲಿಯೂ ಅಷ್ಟೇ ಮೊತ್ತವನ್ನು ಠೇವಣಿ ಇಡುವಂತೆ ಸೂಚಿಸಲಾಯಿತು. ನ್ಯಾಯಮಂಡಳಿಯ ಮುಂದೆ ಬಾಕಿ ಇರುವ ಹಲವಾರು ಪ್ರಕರಣಗಳ ಜೊತೆಗೆ, ಪರಿಸರ ಮಾಲಿನ್ಯಕ್ಕೆ ಸಂಬಂಧಿಸಿದ ವಿಷಯಗಳು ಮಾನ್ಯಕರ್ನಾಟಕ ಹೈಕೋರ್ಟ್ಗೆ ತಲುಪಿದ್ದು, ಮಾಲಿನ್ಯದ ಬಗ್ಗೆ ವಿಶೇಷವಾಗಿ ಕೆರೆಗಳು ಮತ್ತು ವೃಷಭಾವತಿ ನದಿಯ ವಿಷಯದಲ್ಲಿ ರಾಜ್ಯ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡಿದೆ.
ನರೇಂದ್ರಸ್ವಾಮಿ ಆಗಸ್ಟ್ 3 ರಂದು ರಾಜೀನಾಮೆ ನೀಡಿದ್ದು ಈಗಾಗಲೇ ಅನೇಕ ರಾಜಕೀಯ ಆಕಾಂಕ್ಷಿಗಳು ಈಗಾಗಲೇ ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ (ಕೆಎಸ್ಪಿಸಿಬಿ)ಯ ಅಧ್ಯಕ್ಷ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ತಮ್ಮ ಪ್ರಯತ್ನಗಳನ್ನು ಪ್ರಾರಂಭಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
“ಕ್ಯಾಬಿನೆಟ್ ಸ್ಥಾನ ಸಿಗದ ನಂತರ ಇಬ್ಬರು ಶಾಸಕರ ಹೆಸರುಗಳು ಕೇಳಿಬರುತ್ತಿವೆ. ಇದರ ಹೊರತಾಗಿ ಅಧಿಕಾರದಲ್ಲಿರುವವರಿಗೆ ಹತ್ತಿರವಿರುವ ಇತರ ನಾಲ್ವರು ಶಾಸಕರಿದ್ದಾರೆ” ಎಂದು ಮೂಲಗಳು ತಿಳಿಸಿವೆ.
ಶಾಶ್ವತ ನೀರಾವರಿ ಹೋರಾಟ ಸಮಿತಿಯ ಆರ್.ಆಂಜನೇಯ ರೆಡ್ಡಿ ಮಾತನಾಡಿ, ಸರಕಾರಕ್ಕೆ ಮಾನ್ಯ ಉಚ್ಛ ನ್ಯಾಯಾಲಯದ ಆದೇಶದ ಅನ್ವಯ ಕರ್ನಾಟಕ ಮಾಲಿನ್ಯ ನಿಯಂತ್ರಣ ಮಂಡಳಿ (ಕೆಎಸ್ಪಿಸಿಬಿ)ಯ ಅಧ್ಯಕ್ಷ ಸ್ಥಾನವನ್ನು “ವಿಶೇಷವಾದ ಪರಿಸರ ಜ್ಞಾನ ಅಥವಾ ಅದರಲ್ಲಿ ಪ್ರಾಯೋಗಿಕ ಅನುಭವ ಹೊಂದಿರುವ ವ್ಯಕ್ತಿಯನ್ನುನೇಮಿಸಿ ಹೊಸ ಅಧ್ಯಾಯ ಆರಂಭಿಸಲು ಅವಕಾಶವಿದೆ.
“ಅನರ್ಹ ವ್ಯಕ್ತಿಗಳ ನೇಮಕಾತಿಯನ್ನು ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿ ಗುರುತಿಸಿ 10 ವರ್ಷಗಳಾಗಿವೆ. ಪರಿಸರ ಮಾಲಿನ್ಯದಿಂದಾಗಿ ನಾವು ಎದುರಿಸುತ್ತಿರುವ ಸವಾಲುಗಳನ್ನು ಪರಿಗಣಿಸಿ ಸರ್ಕಾರವು ಈಗಲಾದರೂ ತಿದ್ದುಪಡಿ ಮಾಡಬಹುದು” ಎಂದು ಅವರು ಹೇಳಿದರು.
ಆಗಸ್ಟ್ 2017 ರಲ್ಲಿ, ಸುಪ್ರೀಂ ಕೋರ್ಟ್, ಪರಿಣತಿಯ ಕೊರತೆಯಲ್ಲ, ಬದಲಾಗಿ ರಾಜ್ಯ ಸರ್ಕಾರಗಳು “ಅಧಿಕಾರದಲ್ಲಿರುವವರಿಗೆ ಹತ್ತಿರವಿರುವ ಯಾರಿಗಾದರೂ ಲಾಭ” ನೀಡುವ ಪ್ರವೃತ್ತಿಯೇ ಪರಿಸರ ಮತ್ತು ಸಾರ್ವಜನಿಕ ನಂಬಿಕೆಗೆ ತಕ್ಷಣದ ಹಾನಿಯಾಗಲು ಕಾರಣ ಎಂದು ಗಮನಿಸಿತ್ತು. ಗಾಳಿ, ನೀರು ಮತ್ತು ಪರಿಸರದ ಗುಣಮಟ್ಟದ ವಿಷಯದಲ್ಲಿ ಕರ್ನಾಟಕವನ್ನು ಉತ್ತಮ ಹದಿಯಲ್ಲಿ ಕೊಂಡೊಯ್ಯಬಲ್ಲ ವ್ಯಕ್ತಿಯನ್ನು ಸರ್ಕಾರ ನೇಮಿಸುವ ಅಗತ್ಯವಿದೆ ಎಂದು ಆಂಜನೇಯ ರೆಡ್ಡಿ ಹೇಳಿದರು.
