ಮನಸ್ಸು ಮನಸ್ಸುಗಳನ್ನು ಹತ್ತಿರ ತರುವ ಸಾಧನ ಜನಪದ
ಅವರು ಕೃಷ್ಣಾಪುರದೊಡ್ಡಿಯ ಕೆ.ಎಸ್. ಮುದ್ದಪ್ಪ ಸ್ಮಾರಕ ಟ್ರಸ್ಟ್, ಜಾನಪದ ವಿಭಾಗ ಮಹಾರಾಜ ಕಾಲೇಜು, ಇಫ್ರೋ ಜಾನಪದ ಮಹಾವಿದ್ಯಾಲಯ ಮುದ್ದುಶ್ರೀ ದಿಬ್ಬ, ಕೆರೆಮೇಗಳದೊಡ್ಡಿ ಸಂಯುಕ್ತವಾಗಿ ಬೆಂಗಳೂರಿನ ಪ್ರಗತಿ ಗ್ರಾಫಿಕ್ಸ್ ಪ್ರಕಟಿಸಿರುವ ಪ್ರೊ. ವ.ನಂ. ಶಿವರಾಮು ಅವರ `ಜನಪದ-ಜಾನಪದ, ಜಾನಪದ ಅಧ್ಯಯನ ಮತ್ತು ಕ್ಷೇತ್ರಕಾರ್ಯ’ ಕೃತಿಯನ್ನು ಮೈಸೂರಿನ ಮಹಾರಾಜ ಕಾಲೇಜು ಜ್ಯೂನಿಯರ್ ಬಿ.ಎ. ಹಾಲ್‌ನಲ್ಲಿ ಬಿಡುಗಡೆ ಮಾಡಿ ಮಾತನಾಡಿದರು.
ಕೃತಿ ಪರಿಚಯ ಮಾಡಿದ ಜಾನಪದ ವಿದ್ವಾಂಸ ಡಾ. ಎಂ. ಬೈರೇಗೌಡ ಪಠ್ಯದಾಚೆಗಿನ ಓದು ಎಂದರೆ ಅದು ಜನಪದರನ್ನು ಅರ್ಥ ಮಾಡಿಕೊಳ್ಳುವುದು. ನವನಾಗರಿಕ ಸಂದರ್ಭದಲ್ಲಿ ನಮ್ಮೊಳಗಿನ ಸತ್ವಭರಿತ ಜಾನಪದದ ಚೆಲುವನ್ನು ಮರೆಯುತ್ತಿದ್ದೇವೆ. ಅಧ್ಯಯನಕಾರನೊಬ್ಬ ತಾನು ನಿರೂಪಿಸುವ ವಿಚಾರಗಳು ಸಹೃದಯನ ಅವಶ್ಯಕತೆಗಳನ್ನು ಪೂರೈಸುವಂತಿರಬೇಕು. ಮತ್ತು ಸಾಮಾಜಿಕ ಬದುಕಿಗೆ ಅಗತ್ಯವೆನಿಸುವ ನೆಲೆಯಲ್ಲಿ ಆತನ ಬರವಣಿಗೆ ಇರಬೇಕಾಗುತ್ತದೆ. ಇದು ಬರೆಹಗಾರನ ಜವಾಬ್ದಾರಿ ಕೂಡ ಆಗಿರುತ್ತದೆ.
ಕೃತಿಕಾರ ಪ್ರೊ. ವ.ನಂ. ಶಿವರಾಮು ಮಾತನಾಡಿ, ನಿವೃತ್ತನಾದಮೇಲೆ ಪ್ರವೃತ್ತಿಯಾಗಿ ಬರವಣಿಗೆ ಹೊಸದಾಗಿಯೇ ಆರಂಭಿಸಿರುವೆ. ಜೀಶಂಪ, ಹಕ. ರಾಜೇಗೌಡ, ಎಚ್.ಎಲ್. ನಾಗೇಗೌಡ ಇವರ ಸಂಸರ್ಗ ನನ್ನ ಜಾನಪದದ ಹಸಿವನ್ನು ಹೆಚ್ಚಿಸಿದೆ. ಅನುಭವಗಳನ್ನು ವಿಸ್ತರಿಸಿದೆ. ಈ ನೆಲೆಯಲ್ಲಿ ಜಾನಪದದ ವಿವಿಧ ಬಗೆಗಳು ನಮ್ಮನ್ನು ಪದೇ ಪದೇ ಕೆಣಕುತ್ತವೆಂದರು.
ಮಹಾರಾಜ ಕಾಲೇಜು ಜಾನಪದ ವಿಭಾಗ ಮುಖ್ಯಸ್ಥೆ ಡಾ. ಎಚ್.ಆರ್. ಚೇತನ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಮಹಾರಾಜ ಕಾಲೇಜು ಪ್ರಾಂಶುಪಾಲ ಪ್ರೊ. ಎಚ್. ಸೋಮಶೇಖರಪ್ಪ ಅಧ್ಯಕ್ಷತೆ ವಹಿಸಿದ್ದರು. ಪ್ರಾಧ್ಯಾಪಕಿ ಡಾ. ವಿಜಯಲಕ್ಷ್ಮೀ ಮನಾಪುರ ಕಾರ್ಯಕ್ರಮ ಸಂಯೋಜಿಸಿದರು. ಮಹಾರಾಜ ಕಾಲೇಜು ಕನ್ನಡ ವಿಭಾಗದ ವಿದ್ಯಾರ್ಥಿಗಳು, ಸಂಶೋಧಕರು ಪ್ರಾಧ್ಯಾಪಕರು ಪಾಲ್ಗೊಂಡಿದ್ದರು.